Pinakarhay asin pinasimple kan Bureau of Internal Revenue (BIR) an mga documentary requirements para sa business registration. Ini an nilayon tangani maputol an red tape asin isalbar an mga aplikante gikan sa mga pagkauktaba o rejection kan aplikasyon.
An Revenue Memorandum Circular 74-2025 na inisyu kan nakalihis na Hulyo 18, nag-update nin checklist tangani maiayon sa mga implementing rules and regulations kan Republic Act No. 11032.
An ley an binisto man komo Ease of Doing Business and Efficient Government Delivery Act of 2018.
An mga pagbabago, na nagkabisa kan nakalihis na Agosto 1, an pinasimple an checklist tangani malikayan an mga kalituhan na nagin kumplikado sa proseso kan pagbubukas kan negosyo para sa kadakol na nagbabayad nin buwis.
Naenot digde, binanggit ni BIR Commissioner Romeo Lumagui Jr. na binasura na kan ahensya an mayor’s permit sa listahan kan mga kinakaipuhan.
Nilinaw man ni Lumagui na an mga nagbabayad nin buwis na nakikipagtransaksyon sa BIR sa paagi kan sarong awtorisadong kinatawan an dapat magtao nin orihinal na tinta.
Para sa mga one-person corporation, an mga aplikasyon na pigsunad kan sarong representante an dapat na may kaibang nakasurat na resolusyon na nagpapangaran sa kinatawan asin tumutukoy sa sakop kan awtoridad na ipinagkaloob. An panundunan an dae nalalapat kun an incorporator o sulamenteng stockholder an personal na nag-file kan aplikasyon.
Pigdugang kan bureau na an sarong special power of attorney an dae pwedeng isumiter komo karibay kan sarong nakasurat na resolusyon, huli ta an sarong one-person corporation, sarong juridical entity na naiiba sa maysadiri kaini.
Siringman an Secretary Certificate an dapat na tintaan kan nararapat na itinalagang corporate secretary, bakong sarong assistant corporate secretary. Libre an pagpaparehistro kan negosyo sa BIR, alagad an mga aplikante an kaipuhang magbayad nin documentary stamp tax na P30.
