Buwaya, pinakasalan kan mayor sa Mexico komo parte kan tradisyon

Aram baya nindo mga ka-Bombo, sarong buwaya an pinakasalan kan mayor komo parte kan tradisyon sa lugar sa Oaxaca, Mexico.

Sigun sa report, mahihiling an buwaya na naka-all-white pa kan hadukan kan mayor na si Daniel Gutierrez.

Labi 200 taon na ining tradisyon, na nagsisimbolo sa koneksyon kan mga tawo asin hayop.

Sa wedding ritual, pigkokonsiderar si mayor groom komo hadi kan ethnic group Chontal, mantang an buwaya man an prinsesa kan mga Huave.

An pag-iibahan ni mayor asin kan buwaya an pinagtutubodang madara nin masaganang ani asin mabiyayang dakop sa dagat.