NAGA CITY- Patay ang dalawang lalaki matapos mauwi sa armed confrontation ang isinagwang buy-bust operation sa Zone 1, Blumentritt, Barangay Tinago, sa lungsod ng Naga.
Kinilala ang mga suspek na sina Victor Lawanan at Andrew Flores, kapwa nasa hustong edad, kapwa residente ng nasabing lugar.
Sa nakalap na impormasyon ng Bombo Radyo Naga sa Naga City Police Office, napag-alaman gamit ang P500 bilang buy bust money, nakabili ang nagpanggap na poseur buyer sa mga suspek ng isang pirasong heat sealed transparent sachet ng pinaniniwalaang shabu na nagkakahalaga ng P5,000.
Ngunit, matapos an nasabing transakyon, napansin nina Lawanan at Flores na pulis pala ang kanilang katransaksiyon kung kaya agad ang mga itong bumunot ng baril at nagpaulan ng putok sa mga awtoridad.
Gumanti rin ng putok ang mga awtoridad dahilan para magtamo ng tama ng baril sa kanilang katawan ang mga suspek dahilan para bawian ito ng mga buhay.
Sa ngayon, nasa kustodiya na ng mga awtoridad ang mga narekober na drug paraphernalia habang patuloy naman ang isinasagawang imbestigasyon ng mga awtoridad hinggil sa nasabing insidente.
