Pigkumpirmar kan Civil Aviation Authority of the Philippines (CAAP) na nag-emergency landing an sarong Cebu Pacific flight pabalik nin Mactan-Cebu International Airport (MCIA) kan nakalihis na aldaw nin Sabado, Marso 8.
Susog sa ahensiya, naka-eksperyensya nin landing gear issue an Cebu Pacific Air flight CEB588 rason kaya man nagbalik ini sa Mactan-Cebu International Airport pasado alas-5:30 nin pagkaaga. Nangyari an insidente mantang biyaheng Maynila an eroplano.
Nakuanan man nin video an sitwasyon sa laog kan nasambitan ng eroplano kan mangyari an insidente na kun saen nagtao nin safety instruction an sarong flight crew sa mga lunad na pasahero.
Mientrastanto, maswerteng salbado man an gabos nin mga pasahero asin crew na lunad kan eroplano sigun pa sa CAAP.
