Nagpatanid an Civil Aviation Authority of the Philippines (CAAP) kontra sa paninigarilyo asin paggamit nin vape sa laog kan eroplano makalihis na makaresebir nin report gikan sa nagkapirang airline.
Sigun sa CAAP, mahigot na ipinagbabawal an smoking asin vaping sa gabos lan flights alinsunod sa Philippine Aviation Regulations, Tobacco Regulation Act of 2003 (RA 9211) asin Vaporized Nicotine and Non-Nicotine Products Regulation Act (RA 11900).
Pwedeng patawan nin kapadusahan an sisay man na mabalgar.
Pigtawan-duon pa kan ahensiya na apwera sa pagbalgar sa ley, pwedeng magdara nin pelgro sa kasalbaduhan kan gabos an paninigarilyo asin vaping sa laog kan sarado asin presyuradong kapalibotan siring kan eroplano.
Pig-enkaminar man kan CAAP an mga pasahero na magsunod sa tugon kan cabin crew, maglikay asin i-report tulos an anumang pagbalgar sa Aviation Security Group para sa tulos na aksiyon.
