Kinumpirmar kan Civil Aviation Authority of the Philippines (CAAP) na pina untok na muna paramientras an mga operasyon kan Pilipinas Space Aviation Academy Inc. makalihis ma imbwelto an saro sa saindang mga aircraft sa sarong aksidente kan nakalihis na aldaw nin Dominggo.
Sigun sa CAAP an Cessna Plane na sarong training aircraft na may registration number RP-C8595 na nagooperate sa irarom kan nasambitang flying school an nagcrash landing sa parte kan Brgy. Libsong sa Lingayen, Pangasinan bandang 8:01 nin pagkaaga.
Duwa an binawian nin buhay sa pangyayari na sarong piloto asin man sarong student-pilot na tulos man na pigdara sa ospital alagad dae nahaloy ay nagadan.
Sa ngunyan, naglunsar na nin pormal na imbestigasyon an mga otoridad tangani aramon an rason kan insidente mantang grounded paramientras an naghahalat man nin resulta kan imbestigasyon an imbwelto na eskwelahan.
Mientrastanto, pigsierto man kan CAAP na tulos na magtao nin mga updates an saindang lado enkaso man natapos tulos an pigkasang imbestigasyon sa insidente.
