NAGA CITY- Gadan an sarong miyembro kan Cafgu Active Auxiliary (CAA) mantang nairido man an duwang apat na iba pa kabale na an duwang sibilyan makalihis an nangyaring pananambang kan rebeldeng New People’s Army sa banwaan nin Ragay, Camarines Sur.
Binisto an nagadan na si Norbert Zabariza, sarong CAFGU member.
Sa entrevista kan Bombo Radyo Naga ki Capt. Joash Pramis, chief kan Division of Public Affairs Office (DPAO) kan 9th Infantry Division, Philippine Army, sinaysay kaini na nangyari an pananambang sa Sitio Bato, Upper Sta Cruz mantang pasiring kuta na an tolong mga miyembro kan CAFGU sa kasentrohan kan nasambitang banwaan.
Nakasibilyan suboot asin mayong darang armas an tolong mga biktima kan mangyari an nasambitang pananambang.
Nagsapo nin lugad sa saindang lawas an duwang iba pang miyembro kan CAFGU mantang nairido man an mag-agom na sibilyan na sinda Rey Patricio asin Versabi Barrientos.
Sa ngonyan, nagpapadagos pa an ginigibong operasyon kan mga militar tanganing lapagon an nagdulag na mga miyembro kan rebeldeng NPA.
