NAGA CITY- Nakaresiber nin bagong ambulansya an banwaan kan Calabanga, Camarines Sur.
Sigun ki Adonis Aguilar Jr., Municipal Councilor- LGU Calabanga, na an saindang alkalde an nasa Metro Manila tanganing akuon an ambulansya gikan sa Philippine Charity Sweepstakes Office (PCSO) na pinagdestrebwer kan Department of the Interior and Local Government (DILG).
Sigun pa sa Konsehal, saro an saindang banwaan sa 20 munisipalidad sa Camarines Sur na nakaresiber kan bagong ambulansya.
Nakaresiber man kaini an banwaan kan Sipocot, Tigaon, San Jose, Goa, San Fernando, Sagñay, Ragay, Pili, Pasacao, Pamplona, Minalabac, Milaor, Lupi, Gainza, Caramoan, Camaligan, Buhi, Bato asin Balatan.
Pinagtawan-duon man kan konsehal na dakula ining katabangan orog na sa mga emerhensiya. Ini nin huli ta nagkukulong soboot an saindang banwaan sa siring na behikulo tanganing maghatod nin pasyente sa ospital sa siyudad nin Naga.
Sa presente man soboot bastante man an mga drivers kan siring na behikulo kaiba na an mga rescuer mantang ini naman an pang-apat na ambulansya sa saindang banwaan.
