NAGA CITY- Nagpupuon na suboot na magruso an mga turistang nagpapasiring sa tourist destination sa probinsya nin Camarines Norte.
Ini an kinumpirmar ni Chief Petty Officer Raymond San Jose, Deputy Station Commander kan PCG-Camarines Norte sa entrevista kan Bombo Radyo Naga.
Segun ki San Jose, tuyong weekend nagruruso an mga turistang nagpapasiring sa Calaguas island asin Parola island.
Alagad, segun sa opisyal, mahigot nindang pigpapangalad an pagbalyo sa nasambitan nan g isla tuyong makusog an hukol sa kadagatan.
Mientrastanto, abiso kan PCG sa mga turista asin parasira na dae pagpiritong maglawod urog na kun makusog an hukol tangani na makalikay sa ano man an remalaso.
