NAGA CITY– Kinumpirmar ni Rep. Carlos Roman Uybarreta, miembro kan Committee on Ways & Means na pighagad niya sa Department of Tourism (DOT) na tutukan an iba pang tourist destinations sa nasyon arog kan Calaguas Island sa Camarines Norte.
Sa entrevista kan Bombo Radyo Naga ki Uybarreta, sinaysay kaini na kinaolay niya na si Tourism Sec. Bernadette Romulo-Puyat asin pighagad digdi na tutukan nin maray an kan DOT an nasambitan nang lugar na saro sa mga pigkokonsidera komo Mini-Boracay sa Bicol.
Obheto kaini na maiwasan na maotro pa sa nasambitan nang lugar an problemang pighampang kan Boracay Island na nagpuli sa pagpasara sa laog kan haros anom na bulan.
Katakod kaini, nagtao naman suboot nin promesa an DOT na mabilog nin sarong whollistic program maintenance na kinababalehn kan mga lokal na gobyerno sa nasambitan ng lugar na mangengenotan sa pangangataman sa isla.
