NAGA CITY – Nakaantabay an Camaligan Disaster Risk Reduction Management sa posibleng paglangkaw kan tubig sa banwaan kan Camaligan, Camarines Sur.
Sa entrevista kan Bombo Radyo Naga ki Johanna Earie Estrella, Assistant in Planning kan nasambitan ng ahensya, na tuyong igwa nin huma kan Shearline, nagdidisiminar na soboot sinda nin warning sa mga residente sa saindang banwaan, siring man an saindang water monitoring. Apwera pa digdi, nagkapirang lugar naman an saindang pigbabantayan orog na an mga nasa low-lying areas.
Magin an mga nasa gilid sana kan salog asin an mga lugar na marekas bahaon. Komo kasimbagan sa mga pagbaha sa saindang lugar, kapag marhay man an kamugtakan kan panahon an nagkukundusir sinda nin clean up drive.
Mientrastanto, enkaso man magpadagos an siring na kamugtakan kan panahon, mapadagos man an saindang pag-antabay asin pagmonitor. Dugang pa kan opisyal, magin an pagpapautob nin evacuation an pig-pepreparan man orog na ta igwa sinda nin Ondoy Boat.
Katakod kaini, sa presente soboot, nagtitinir na nasa high tied an namomonitor ninda sa Camaligan River kun kaya nasa yellow level pa ini. Alagad enkaso mag-orange level na ini an boot sabihon kaipohan na an full force kan saindang ahensya.
