Nangapudan an Cambodia nin tolos na ceasefire sa Thailand makalihis an ribayan nin madugong pag-atake sa laog nin duwang aldaw.
An pirang siglo nang border dispute napuli sa orog pang malalang kariribukan na rason tanganing magkundusir man an UN Security Council nin emergency meeting huli sa krisis.
Sigun ki Phnom Penh’s UN ambassador Chhea Keo, mawot soboot kan Cambodia nin mayong kondisyon na untuk-putukan sa pigsagibon closed meeting kan Council na pig-atenderan kan Cambodia asin Thailand.
Marurumduman, nagpakol na sa 138,000 katawo an pig-ibakwar sa boarder region kan Thailand kun saen naireport an mga binawian nin buhay.
Enot naman na pigsaysay ni acting Thai Prime Minister Phumtham Wechayachai na enkaso orog pang maglala an sitwasyon, posible ining mapuli sa giyera.
Mientrastanto, pigbasol kan kada saro huli sa soboot enot na pagpaputok nin badil kun saen pig-akusaran kan Thailand an Cambodia na pigta-target an civilian infrastructure, kabali na an mga hospital.
Sa ngunyan padagos an pangapudan kan UN Security Council sa parehas na lado para sa madiplosmasyang pagsimbag sa nasambitan ng kariribukan.
