NAGA CITY – Piglalaoman na maipoproklamar na si incumbent Camarines Norte Governor Edgardo ‘Egay’ Tallado.
Ini makalihis mangenot giraray an opisyal sa gubernatorial race na may 146,6962 boto kontra sa kalaban na si Catherine Barcelona-Reyes na may 102,800 votes.
Napag-araman na nagkapirang aldaw antes an eleksyon, nagkaproblema an kantidatura ni Tallado kan kanselaron kan Commission on Election (Comelec) 1st Division an kandidatura kaini makalihis paburan an petisyon na pigsunad kan VACC.
Alagad duwang aldaw antes an eleksyon kan makakua an kampo ni Tallado nin status quo ante order sa Korte Suprema kontra sa nasambitan ng desisyon kan Comelec en banc na nagin rason para maipadagos kaini an kandidatura.
Mientrastanto, nagtrayumpo man an esposa kaini na si Josie Tallado sa pagkakongresista sa 1st district kan probinsya na may 65,013 kontra sa 56,295 votes kan kalabang si Jojo Unico.
