Camarines Norte Governor Edgardo ‘Egay’ Tallado
NAGA CITY – Dagos man giraray an laban ni Camarines Norte Governor Edgardo ‘Egay’ Tallado sa gubernatorial race.
Ini makalihis matrayumpong makakua an kampo kaini nin writ of Temporary Restraining Order (TRO) sa Korte Suprema kontra sa desisyon kan Comelec en banc na pagkanselar kan kandidatura kaini sa pigdadalaganan na posisyon.
Enot digdi, nanindugan an Volunteers Against Crime and Corruption (VACC) na pinal na an nasambitan ng desisyon kan Comelec en banc asin kaipuhan na irespeto na sana kan kampo ni Tallado an desisyon.
Marurumduman na enot nang kinanselar kan Commission on Election (Comelec) 1st Division an kandidatura ni Tallado makalihis paburan an petisyon na pigsunad kan VACC asin kan sarong alkalde sa probinsya.
Kinwestyon kaya kan grupo an pagsunad pa nin kandidatura kan gobernador sa ibong kan pagsirbi na soboot kaini nin tolong termino.
Depensa man kan kampo ni Tallado, huli sa magkakasunod na suspension asin dismissal order na pigsunad kontra digdi, kung kaya bako man duru-diretso an pagtukaw kaini komo ama kan probinsya.
