NAGA CITY – Liwat na namang nagrecess an Provincial Board of Canvassers sa Camarines Sur kasubanggi huli sa bagulbol na pagtransmit nin boto gikan sa iba pang mga banwaan.
Napag-araman na napag-uruyunan kan board na ngunian na aldaw na sana ipadagos an canvanssing.
Enot digdi haros pitong banwaan pa an pighahalat makalihis na magkaproblema sa SD Cards asin kinakaipuhan na ipadara muna sa Regional Office kan Comelec para ireconfigure.
Kabale sa mga banwaan na ini an Cabusao, Bombon, San Jose, Tigaon, Garchitorena, Siruma asin Baao.
Napag-araman na solamenteng si Cong. Lray Villafuerte pa sana an napoproklamar na nangganang kandidato komo kongresista kan segundo distrito kan probinsya makalihis daugon an kalaban na si Maribel Andaya-Eusebio.
