NAGA CITY– Nakatalaan na ikundusir atyan na hapon an 24-hour simulation exercise sa ciudad nin Naga komo parte kan pagpepreparar sa ‘The Big One’.
Pangengenotan an nasambitang aktibidad kan Provincial Disaster Risk Reduction and Management Council (PDRRMC) kaibanan an Naga City Disaster Risk Reduction and Management Council.
Piglalaoman na papartisipararan an simulation exercise nin poko mas humenos 600 participantes hale sa 39 member agencies asin mga organizations kabale na an City asin MDRRMO’s sa probinsya.
Sa nakuang impormasyon kan Bombo Radyo Naga sa Environmanent Disaster Management and Emergency Response Office (EDMERO)-Camsur, napag-araman na obheto kan nasambitan ng aktibidad na masukol an skills, inter-operability, and multi-agency coordination sa mga response units komo parte kan pag-augment nin rescue units sa Taguig City enkaso mangyari an dae piglalaoman na ‘the Big One’.
Sa nasambitan na aktibidad, an syudad nin Naga an matindog komo Taguig City na rerespondehan kan Camariners Sur.
Mientrastanto, an Naga City man an na-assigned para magpadara nin augmentation force sa Pateros.
Mapuon an aktibidad atyan na alas 1:00 nin hapon asin magtatapos saagang alas 1:00 giraray nin pagkahapon, Hulyo 25
