NAGA CITY – Kinumpirmar ngunian kan pamilya kan nobya na nakabali sa mga nagadan sa aksidente sa San Fernando, Camarines Sur na may mga nahiling na sindang premonitions antes mangyari an trahedya.
Sa entrevista kan Bombo Radyo Naga ki Salvacion Culaway, tiyahon kan biktimang si Bea Lucilo, sinaysay kaini na kan nasa katahawan kan pagpresentar an pamilya kan nobyong si Wilmer Pelaez, naagaw soboot kan tolong water jug na pano nin juice asin tubig an saindang atensyon.
Nangalas soboot sinda huli ta tuyong may madulok na kaibanan kan nobyo sa nasambitan ng mga water jug, aksidenteng nahuhulog an mga ini.
Sigon ki Culaway, nangyari pa soboot ini nin tolong beses.
Sa ibong kaini, nanindugan si Culaway na kung nagpaaram kuta na sa sainda si Bea, dae kuta na ninda ini pigtugutan na maghale komo parte kan pagsunod sa mga tradisyon kan mga gurang.
Dugang pa ni Culaway, kan nakabulagta na si Bea sa semento, saka sana ini nagtuga na duwang bulan na siyang bados.
