Pig-anunsyar kan Canada an saindang retaliatory tariffs kontra sa US. An nasambitan ng lakdang an pagpuon kan trade wars sa tahaw kan magkataid na nasyon.
Sigun ki Canadian Prime Minister Justin Trudeau na igwang 25 percent na ipapataw na taripa sa mga produkto kan US siring kan beers, wines, household appliances asin mga sporting goods.
Dugang pa ni Trudeau na pigtapatan sana kaini an lakdang na ipinautob kan US kontra sa Canada asin Mexico asin an dugang na 10% na taripa sa China.
Hurot pa kan Canadian Prime Minister na dae sinda masuko sa paglaban sa mga namamanwaan kaini alagad nagpatanid nin negatibong kakahampangon sa mga tawong nasa border kan kada nasyon.
An taripa sa 30 bilyon na kantidad kan mga produkto kan US an ipapautob ngunyan na aldaw nin Martes asin dugang na 125 bilyon sa 21 aldaw tanganing tawan nin panahon na makapag-adjust an mga negosyante gikan sa Canada.
Marurumduman kaya na ipinautob ni Trump an pagpataw nin mga taripa huli sa pagkahadit kontra sa iligal immigrations asin drug trafficking.
