NAGA CITY – Mas dakul ngunyan kumparar sa dati an mga cancer survivors sa Rehiyong Bikol.
Sa nagin paghampang sa mga kagawad kan media ni Dr. Aileen Guerzon, sarong Pediatric Oncologist, basado soboot sa saindang eksperyensiya sa mga pasyente, mas kadakul an nakakatapos kan treatment huli ta available an bulong, kumparar soboot pirang taon na an nakakaagi kun saen kinakaipuhan talaga nin pinansyal nin kapabilidad tangani na makapabulong.
Dugang pa ni Guerzon ini orog na sa mga pasyenteng may breast cancer. Igwa man soboot sindang kompletong treatment puon sa chemotherapy, radiation, hormonal treatment, asin maintenance mood therapy.
Sigun ki Guerzon, mawot kaini na maheras an impormasyon kan saindang pig-oopresir nin mga paagi nin pagbulong nin huli ta igwa soboot sindang mga pasyenteng nahuhuri na an treatment huli ta dai aram kan mga ini kun sain sinda masiring.
Dugang pa kaini, sa pagheheras nin impormasyon, matatawan nin mas dakula pang tiyansa an mga pasyente na mabuhay.
Mientrastanto sigun man ki Dr. Bernadette Cid-Cuenco, saro man nin Pediatric Oncologist, an prinsipyo soboot sa pagbulong nin cancer parehas sa gabos nin edad, kun saen an amay nin pagkakadiskubre dakula an impact sa survival.
Sa mga kaakian an pinaka-common man sigun igdi nin cancer leukemia asin lymphoma. Sa presente mayo man soboot nin epektibong screening method pag-abot sa mga helang na ini sa mga aki kumparar sa mga adult.
Kadaklan man soboot sa saindang mga pasyente mga gikan sa Rehiyong Bikol alagad igwa man sindang mga nakukuang pasyente gikan sa Quezon.
