NAGA CITY – Nagkukulang ngunyan an classroom sa Cararayan National High School huli sa paglangkaw kan saindang enrollees ngunyan na school year.
Sa entrevista kan Bombo Radyo Naga ki Dr. Nemia Esguerra Luzada, Principal I kan nasambitan ng eskwelahan, sinaysay kaini na an eskwelahan na an naggibo nin paagi tanganing padagos na makapagklase an saindang mga estudyante sa ibong kan kakulangan nin mga pasilidad.
Komo kasimbagan sa nasambitan ng problema nagkaigwa na sinda nin shifting of classes huli ta kun dae ninda ini isasagibo magkukulang sinda nin nasa 20 klasrum.
Sa ngunyan kaya nagpakol sa nasa labi 2000 an saindang nagin enrollees. Alagad an problema man ninda sa siring na mode of learning an kawaran naman kan malulunadan kan mga estudyante asin paratukdo, palaog sa eskwelahan asin pauli sa saindang mga harong orog na an mga gikan pa sa hararayo asin liblib na lugar.
Huli digdi, an iba na mayong service an naglalakaw sana palaog sa eswelahan rason kun tanu igwa nin mga nalilate sa klase.
Sa ngunyan, hagad na sana ni Luzada sa komunidad asin mga magurang an tabang asin marhay na koordinasyon sa sainda para sa pagkanuod kan mga estudyante.
