Pormal nang inako ni Luis Antonio Cardinal Tagle an saiyang Titular Diocese, an burbicarian See of Albano, sa sarong solemneng seremonya sa Albano, Italy kasuodma, Domingo nin aga (Sabado nin banggi sa Italya).
Sa paagi kan sarong Papal Bull gikan ki Pope Leo XIV, ipinahayag kan Santo Papa an pagtatalaga ki Cardinal Tagle, komo pagbisyo sa saiyang katalinuhan, katapatan, asin masigasig na pagseserbi komo Pro-Prefect kan Dicastery for Evangelization.
Napag-araman na an Albano an saro sa pitong sinaunang suburbicarian dioceses sa palibot kan Roma na karaniwang inilaan sa mga Cardinal Bishops, an pinakahalangkaw na ranggo sa College of Cardinals.
Present sa nagin seremonya an lokal na obispo kan Albano na si Bishop Vincenzo Viva, mga padi, asin miyembro kan Filipino community sa Roma.
Sigun sa Pontificio Collegio Filippino, tolong obispo, duwang kardinal, asin labi sanggatos na padi an nag-atendir sa Misa.
An pagtatalaga ki Cardinal Tagle an naganap makalihis na mabakanta an pwesto kan italaga si Cardinal Robert Prevost komo Pope Leo XIV kan nakalihis na Mayo.
Pormal na ipinagkaloob ki Tagle an Albano kan nakalihis na Mayo 24, komo karibay kan presenteng Santo Papa sa titulong ini.
Marurumdumang si Cardinal Tagle an primerong ginibong Cardinal Bishop ni Pope Francis kan nakalihis na 2020
