Tutugutan na kan Department of Transportation an paggamit kan GCash, Paymaya debit asin man credit cards komo bagong paagi kan pagbabayad nin pamasahe sa LRT asin MRT magpuon sa bulan nin Hulyo.
Kaiba ini sa planong pagpapautob nin cashless turnstiles sa irarom kan automatic fare collection system, kun saen pwedeng direktang i-tap an mobile phone o card sa gate kan tren, nin dae na kaipuhan na magbakal o mag-reload nin Beep card.
An lakdang an simbag sa kasuguan ni Presidente Ferdinand Marcos Jr. na gibuhong mas episyente asin man accessible an pampublikong transportasyon asin magkaigwa nin mas bukas asin flexible na payment system na konektado sa manlaen-laen na financial platforms, siring kan mga ginagamit sa mga mayor na syudad sa ibang nasyon.
Nakatalaan na magsagibo nin pilot testing asin man information drive antes an opisyal na paglulunsar.
Padagos man an koordinasyon kan DOTr sa mga transport operator asin service provider tangani masierto na magigin pakarhay an implementasyon.
