Dakulang tabang an pigkundusir na libreng pet castration asin rabies vaccination sa siyudad nin Naga.
Target kan nasambitan ng programa na maakomodar an 100 hasta 150 na atamang hayop.
Sa entrevista kan Bombo Radyo Naga ki Dr. Johan Michael R. Sales, sinaysay kaini na an nasambitan ng programa an limitado sana sa 1–2 hayop kada pet owners.
Sigun pa sa opisyal, dapat igwang vaccination history tanganing malikayan man an transmission kan virus sa mga personnel.Bukas an programa sa gabos na residente kan Metro Naga, asin may bayad na 75 pesos per head.
Dugang pa kan doktor maski anong lahi pupwede sa programa, alagad mas prayoridad ninda an mga aspin huli ta iyo ini an mas nangangaipuhan nin serbisyo.
Katuwang sa programang ini an CBSUA College of Veterinary Medicine, Department of Agriculture asin an Veterinary Medical Association, magin an Saint Rich Animal Bite Clinic, UNAHCO asin an Universal Robina.
Dakulang tabang an siring na lakdang tanganing makontrol an populasyon kan stray animals asin man makakatabang tanganing maabot an target kan gobierno na zero rabies incident sa bilog na nasyon pag abot nin 2030.
