NAGA CITY – Mapadara nin team an Casureco II na matabang sa probinsiya kan Catanduanes na labing naapektaran kan bagyong Pepito.
Sa entrevista kan Bombo Radyo Naga ki Rinner Bucay, Spokesperson kan Casureco II, pigsaysay kaini na nagpepreparar na soboot sinda nin duwang team na pigbibilog kan 10 linemen, sarong service vehicle asin 10 trucks na ipapadara sa nasambitan ng probinsiya na igwang labing tatrabahuhon pag-abot sa linya kan kuryente huli ta ini an saro sa mga labing naapektaran kan nakalihis na bagyo.
Mapuon an pagtrabaho sa laog kan 15 aldaw asin kaibahan soboot digde an mga electric cooperatives gikan sa Northern Luzon, Central Luzon asin sa Bicol Region kabali man digde an mismongFicelco na iyo an electric cooperative sa Catanduanes.
An nasambitan ng alkadang an komo pagpapahiling kan pagtatarabangan kan mga nasambitan ng electric cooperatives sa oras kan pangangaipuhan.
Pigtawan-duon kan opisyal na an saindang obheto sa pagtatarabangan an inaapod na task force kapatid na kun sisay an nangangaipuhan nin tabang, kaipuhan tabangan huli ta kan nakalihis na taon tinabangan man soboot an Casureco II.
Dugang pa ni Bucay na an pagtatarabangan kun igwang raot nin panahon talagang kinakaipuhan.
Sa ngunyan, pigreport man kan Casureco II na an area coverage na irerestore an power iyo an banwaan kan Siruma asin ini target na matapos ngunyan na semana.
