Dagos-dagos sa paggibo nin historya an Cleveland Cavaliers makalihis maibulsa an ika-15 magkakasunod na gana ngunyan na aldaw, Nobyembre 18, 2024 kontra Charlotte Hornets, 128 -144.
An nasambitan ng team an sulamenteng koponan na dae pa nadadaog ngunyan na season.
Huli sa pagkagana, an Cavs an ika-apat na team sa historya kan NBA na nakapagbulsa nin 15-0, sunod sa Houston Rockets (15 – 0),Washington Capitols (15 – 0), asin an 24 – 0 na Golden State Warriors (2015 – 2016).
Nagibo kan Cavs an nasambitan ng kapangganahan sa likod kan dae pagkawat kan star player na si Donovan Mitchell, sa tabang na man kan tolong bagitong player na haros naggibo kan double-double.
Pigribayan ni Darius Garland si Mitchell sa no.1 position asin nagbulsa ini nin 25 points asin 12 assists mantang 23 points asin 11 rebounds man an kontribusyon ni Evan Mobley.
Dae man nagpahuri an sentrong si Jarrett Allen asin naglaog nin 21 points asin nagkamada nin 15 rebounds.
Mayong naginibo an Hornets tanganing pugulan an magagayon na opensa kan Cavs (57.1% overall shooting), sa likod pa kan 31 pts. asin 12 assists double-double performance kan point guard na si Lamelo Ball.
An nasambitan ng pagkagana sa likod man kan 20 3-pointers na linaog kan Charlotte sa kabilogan na kawat.
Huli sa pagkadaog, nalubog pa sa 8 loss an Hornets, kapot an limang kapangganahan sa enot na 13 games kaini ngunyan na season.
