Nangapudan an Catholic Bishops’ Conference of the Philippines (CBCP) ki dating Ako Bicol Party-list Zaldy Co na mag-uli asin magsunad nin sinumpaang salaysay sa mga pigluwas kaining alegasyon.
Katakod ini sa pagsiwalat ni Co na pinag-sugo ni Presidente Ferdinand Marcos Jr na mag-singit nin P100-Bilyon na mga proyekto para sa 2025 national budget.
Sigun sa CBCP, mawot nindang iaagi sa tamang proseso an gabos tanganing maaraman an katotoohan kun kaya importante na isunad an reklamo sa tamang hukuman na may sinumpaang salaysay kairiba an matibay na ebidensiya.
Dae soboot sapat sa social media isawalat an nasambitan na akusasyon asin ini dapat sa tamang ahensiya na may kapangyarihang mag-imbestiga.
Pinag-iingat man kan CBCP an mga siisay magsasamantala sa nasambtan na isyu huli ta pupwedeng magpasiklab kan emosyon asin mapulitika pa.
Importante na an gabos na sangkot maghiro nin tapat, matapat asin may pananagutan huli ta karapatan kan taumbayan an pagpapaliwanag, bakong haka-haka; katotoohan asin bakong tsismis siring kan pananagutan asin bakong panlilinlang.
