Kapot na kan pamilya ni dating Department of Public Works and Highways (DPWH) Undersecretary Maria Catalina Cabral an saiyang cellphone.
Ini an sa ibong kan kasuguan kan Office of the Ombudsman na ini an magsairarom sa kustodiya kan mga otoridad sa Benguet.
Pigkumpirmar ni Police Col. Lambert Suerte, hepe kan Benguet Police Provincial Office, na dae nakua kan saindang mga personahe an nasambitan ng gadget gikan sa pamilya kan nasambitan ng opisyal.
Si Cabral an nadukayan na mayo na nin buhay makalihis na mahulog sa bangin sa Kennon Road, Tuba, Benguet kasuudma.
Antes an saiyang pagkagadan, pig-iimbestigaran ini katakod kan soboot iregularidad sa nagkapirang flood control projects kan DPWH.
An Ombudsman an nagsugo na an cellphone asin iba pang gadgets ni Cabral an dapat ingatan komo posibleng ebidensya sa mga kasong pig-iimbestigaran.
Sa ngunyan, nagtitinir na hapot kun pano masisierto kan mga imbestigador an integridad kan mga datos sa gadget na kapot kan pamilya.
Nagbukas man ini nin mahewas na diskusyon dapit sa chain of custody kan ebidensya sa mga kasong igwang kinaaraman sa mga opisyal kan gobierno.
