NAGA CITY– Nagpuli sa shootout an ginibong checkpoint operation kan pulisya sa Sitio Camarin, Brgy. Lalayat, San Jose Batangas kun saen saro katao an binawian nin buhay.
Sa nakuang impormasyon kan Bombo Radyo Naga hale sa Batangas-PNP, nagsasagibo nin checkpoint operation sa lugar an tropa kan San Jose PNP kan bigla na magdulok an sarong menor de edad na babae kaiba an saiyang ina.
Sigun sa biktima, piglugusan siya kan suspek na binisto na si Loly Pereda, 25-anyos na nahiling na lunad nin sarong motorsiklo kan mga oras na ito.
Alagad, kan pigranihan na ini kan mga otoridad bigla kaining pigbunot an darang caliber 38 revolver asin pinaputukan an mga pulis na nagin dalan kan pagbalos kan mga otoridad sagkod na matamaan si Pereda.
Dinalagan pa sa ospital an suspek alagad pigdeklara nang dead on arrival kan mga doktor.
