Pigpahimutikan kan chief of staff ni Senador Robinhood Padilla na si Atty. Rudolf Philip Jurado an alegasyon na nagbalgar an senador sa Anti-Wiretapping Law, asin mayong malinaw na basehan an paratang.
Reaksiyon ini ni Jurado sa pahayag ni Atty. Barry Gutierrez, na pupwede soboot makasuhan si Padilla kan pagbalgar sa Anti-Wiretapping Law sa pagluluwas kaini kan sarong audio clip sa budget deliberation kan Presidential Communications Office (PCO).
Pupwede man ining isunad komo ethics complaint bukod pa sa kasong kriminal.
Bwelta ni Jurado, sa ngunyan dae pa napapatotoohan an pagigin tunay kan audio recording na pigtutukdo, pati na an pagkakabisto kan mga tawong sangkot asin an paagi kun pano paano ini nakua.
Dugang pa na mayo pang pormal na imbestigasyong nagpapatotoo sa mga detalye kan nasambitan na audio.
Pigtawan-duon man ni Jurado na igwang parliamentary immunity an mga senador asin kongresista sa irarom kan Privilege of Speech and Debate, na nagtatao sa sainda kan kalayaang magpahayag, magdebate, asin gampanan an saindang trabah na dae natatakot sa posibleng kaso huli sa mga pahayag o gibo katakod kan saindang opisyal na trabaho.
