Aram baya nindo mga ka-bombo, an dating residente kan Maine liwat na nagbalik sa saindang banwaan tanganing ibalik an libro makalihis an 46 na taon.
Binisto an babae na si Diana Edwards, dating residente kan Camden, Maine, kun saen sinaysay kaini na mantang nagpapakarhay kan saiyang mga libro na dadarahon sa New Hampshire kan mahiling kaini an kopya kan Bunches and Bunches of Bunnies na surat ni Louise Mathews.
An nasambitan ng libro an pigsubli gikan sa Camden Public Library asin an due date kan Aug. 10, 1979 pa.
Sigun ki Diana, sinda soboot an nakaistar sa Pearl Street puon pa kan kabangaan kan 1970s hasta kan taong 1984 kan magbalyo sa Vermont
Mientrastanto, pigsaysay man ni Amy Hand, director of youth services kan library na an libro an gagamiton para sa story time sessions.
Dugang pa digde, dae naman mapataw nin late fees an libraray alagad kaipuhan na magbayad ni Diana kan nasa $5.
Sa ngunyan, nagdesisyon man si Diana na magdonar komo pasasalamat kaini sa pag-intindi kan nasambitan ng library.
