Ipinahiling sa publiko kan China an saindang makabagong aircraft carrier. Pinangenutan ni Chinese President Xi Jinping an pag-commission sa aircraft carrier na Fujian na nakadaong sa military port sa Sanya na manunutaran sa Hainan Island.
An Fujian an iyong pantulo asin most advanced aircraft carrier kan China na igwang electromagnetic catapults na kayang maglunsar nin tulong klase kan aircrafts.
An bagong teknolohiya o bistado komo Electromagnetic Aircraft Launch System (EMALS) an kayang magpalupad nin mga eroplano na may kargang mga magagabat na armas asin fuel loads tangani mataaman an mga hararayong targets.
An sulamenteng ibang mga aircraft carrier sa kinaban na igwang EMALS systems iyo an USS Gerald R Ford.
Primerong inilunsar an Fujian kan nakalihis na 2022 asin nagpuon na maglayag sa kadagatan kan 2024.
Pigkokonsiderar ninda na kayang makipagsabayan an bagong aircraft carrier sa US.
