Inilunsar sa China an tolong aldaw na World Humanoid Robot Games na pigpartisiparan kan 280 koponan sa 16 na nasyon. Obheto kan kompetisyon na ipahiling an pag-uswag kan nasyon sa ladangan kan artificial intelligence (AI) asin robotics.
Mapartisipar an mga humanoid robots sa manlaen-laen na sports siring kan football, track and table tennis, pati na man sa mga gibuhon siring kan pagpapakarhay nin gamit, material handling, asin paglilinig.
Kaibahan sa mga nagpartisipar an mga unibersidad asin pribadong kumpanya gikan sa U.S., Germany, Brazil, asin China.
Napag-araman na saro an Beijing sa nagbusol kan kompetisyon, na nagsairarom sa pagtutok kan gobyerno sa robotics industry komo kasimbagan sa naggugurang na populasyon asin nagluluyang ekonomiya kan nasyon.
Sa nakalihis na taon, nag-abot sa $20 billion an itinaong subsidiya kan gobyerno sa sektor kan robotics asin balak pa kaining maglunsar nin pondo na ¥1 trillion para sa AI at robotics startups.
Alagad maski may mga kritikong nagduda sa kakayahan kan presenteng teknolohiya, nagtutubod an mga eksperto na an siring na mga kumpetisyon an importante sa paghubog kan praktikal na gamit kan mga humanoid na robots sa futuro.
