Aram baya nindo mga ka-bombo, an airship-like S1500 an pigmirar komo pinakadakulang flying wind turbine na kasuarin sana nagin enot na device na makapag-generate nin sarong megawatt kan kuryente sa pigsagibong test flight.
Susog sa report, an Wind turbines an dakulang parte kan renewable green energy kan China alagad padagos na pighahanapan nin paagi tanganing mapababa an cost asin mapalangkaw an efficiency kan installations.
Digde nabilog an sarong versatile inflatable turbine na kayang ibalyo nin marekas mantang nag-ge-genarate nin signipikanteng kantedad kan kuryente.
An S1500 floating wind power system an kasinglangkaw kan 13 palapag na edificio asin kasinglaba kan basketball court.
Garo soboot ini higanteng floating airplane engine asin kayang mag-operate sa langkaw na 1,500 meters, kun saen an duros an mas makaskas asin mas stable kumparar sa lebel kan traditional towers na igwang langkaw na poco mas o menos 200 meters.
Saro soboot sa mga adbentahe kan flying turbines, dae ini nangangaipuhan nin construction kan darakulang metal towers asin rotors na nagpapababa sa gastos sa per kilowatt-hour na 30%.
An inflatable design an rason kun tano mas madali an pagbalyo kaini sa haharayong distansiya.
Sa ngunyan, plano kan Linyi Yunchuan Energy Technology Co. Ltd. na puonan an pagprodusir kan S1500 wind turbines sa masunod na taon.
