Aram baya nindo mga ka-Bombo, an mga scientist na chinese nagbilog nin sarong makabagong klase nin bricks na saindang piglalaoman na magagamit sa pagtugdok kan pinakaenot na base sa kinaban asin mga harong na pwedeng istaran sa ibabaw kan bulan sa maabot na panahon.
Bakong sekreto na an China igwa nin darakulang plano pag-abot sa kolonisasyon sa bulan.
Sa kapinunan kan presenteng taon, sinda an nagin pinakaenot na nasyon na nagbugtak nin sarong probe sa madiklom na parte kan bulan asin ibinalik ini na igwang importanteng mga sample nin daga, asin an pagbugtak nin mga tawo sa bulan minalataw na iyo an sunod na lohikal na lakdang.
Alagad, an higanteng Asyano nagpaplano na para sa aldaw na makakagibo nin mga base asin iba pang buildings sa natural satellite kan kinaban huli digde sinda an nakagibo nin sarong ingenous type of bricks na dinisenyo tanganing makatagal sa parehong pisikal na presyon asin halangkaw na lebel nin radiation gikan sa saldang.
An inaapod na “moon soil bricks” ipapadara sa bulan tanganing testingon hasta sa katapusan kan masunod na taon.
