Nagpuon nang maglunsar an China kan pinakamahewas kaining military exercises sa palibot kan Taiwan kan huwebes, Enero 1, 2026, kun saen obhetong ipahiling kan China an kakayahan nindang putulon an ugnayan kan Taiwan sa iba pang mga nasyon asin hamunon an kapreparaduhan kan Taipei pag-abot sa saindang defense military.
Sigun sa Eastern Theatre Command kan China, kaibahan sa “Justice Mission 2025” an pagdeploy kan mga tropang soldados, warship, fighter jet, asin artillery tanganing magsagibo nin live-fire drills, simulated strikes, asin sanayon an mga tropa kaini sa posibleng pagharang sa mga premirong pantalan kan Taiwan.
Nag-abot sa pitong zones an saklaw kan war games kun saen mapadagos sa Biyernes, Enero 2.
Pigreport kan Taiwan na may iba pang zones drill na pigsagibo an Beijing nin mayong abiso, mantang naapektaran an biyahe kan labi 100,000 pasahero kun saen nakanselar an pirang domestic flights.
Ini an ikaanom na dakulang war games kan China sa palibot kan Taiwan puon kan 2022.
Mientrastanto, kinondena kan Taiwan an mga aktibidad kan China sa palibot kaini asin pigtawan duon tanging namamanwaan sana kan Taipei an may karapatang magdesisyon sa kinabukasan kan isla.
Apwera digde nagbabala man an Taiwan na an mga live-fire drills banta bako sana sa Taiwan kundi sa iba pang rehiyon.
Napagaraman na an mga military exercise kan China pigsagibo pirang aldaw makalihis aprubahan kan Estados Unidos an pinakadakulang arms sales package kaini para sa Taiwan, na enot nang pig-tutulan kan Beijing
