Suspechado kan sarong mambabatas na haloy nang nagsasagibo nin hararom na intelligence gathering an China sa kadagatan kan Pilipinas.
Ini an makalihis narekoreber an sarong submersible drone sa kadagatan kan Masbate kan nakalihis na Lunes na pinagtutubodang pagsasadiri kan China.
Sigun ki Surigao del Norte Rep. Robert Ace Barbers dakula an posibilidad na haloy nang nagsasagibo nin intel monitoring sa kadagatan an China asin posibleng kaibahan digde an mga datos manungod sa deuterium.
Paliwanag ni Barbers an deuterium an mahewas na piggamit sa prototype fusion reactors asin igwa ining application na magagamit para sa military; industrial asin scientific fields.
Sigun sa Kongresista sa nuclear fusion reactors piggamit ini komo tracer o tagasubaybay asin responsable sa pagpaluway sa neutrons sa mga heavy water moderated fission reactors.
Pigtawan-duon ni Barbers dahil sa nagdadakulang pangkinaban na karera tanganing makahanap nin mga bagong mapagkukuanan nin gasolina o enerhiya siring kan deuterium na mahihiling sana sa hararom na dagat sa eastern seaborad kan nasyon bakong harayo na mawot man kan China na makua ini.
An narekober na China underwater drone na igwang markang HY-119 an nag-aaram sa sarong underwater navigation asin communication device na nagtataong-giya sa mga underwater vessel na makipag-koordinar sa mga surface unit o satellite asin magpadara asin nagtanggap nin data, voice message asin navigation information.
Sinaysay ni Barbers na nakakahadit an mga siring na aksyon kan China.
