Naarestar kan Bureau of Immigration (BI) an sarong dayuhan na nagpapamalo-malo komo Pilipino sa Daet, Camarines Norte.
Sa report kan BI, nasakote kan pinagsalak na pwersa kan intelligence cooperatives, Armed Forces of the Philippines (AFP), asin Presidential Anti Organized Crime Commission (PAOCC) an Chinese national na si Wu Zhishi.
An pag-arestar an ginibo alinsunod sa direktiba ni Presidente Ferdinand R. Marcos Jr. na siertuhong nagsusunod sa ley an mga dayuhang nagtitinir sa Pilipinas.
Napag-aramang nakakua nin government-issued documents an dayuhan asin nagpapabistong Pilipino, asin gumamit nin mga ID tangani makakua nin lisensya kan badil.
Sa ngunyan, nasa kustodiya na kan BI an dayuhan mantang hinahalat an deportation proceedings huli sa pagbalgar sa Immigration laws.
Pigkahadit man ni BI Commissioner Joel Anthony Viado an talamak na modus na ini kan mga illegal alien na posibleng magin huma sa seguridad kan nasyon.
