Nagsagibo nin kakaiba asin surpresang pagbisita si Chinese President Xi Jinping sa Tibet.
Pig-atenderan kaini an ika-60 taon na pagbubusol kan Tibet Autonomous Region kun saen nagin makolor an pigsagibong seremonya.
Pigkaway kan mga Tibetians an bandera kan China mantang nag-martsa an mga People’s Liberation Army mantang bitibit an saindang mga armas sa Potala Palace.
An 72-anyos na si Xi an pigkokonsederar na pinakagurang na Chinese leader na nagbisita sa Lhasa an capital kan Himalayan region.
Huring binisita kaini an lugar kan 2021 ka iselebrar an ika-70 taon para sa “peaceful liberation” kan kontrolon kan mga soldados kan China an rehiyon.
Puon kaya kan magtukaw sa puwesto si Xi pinakusog kaini an seguridad sa rehiyon kun saen pig-enkaminar an mga Tibetian na masunod sa sa saiyang pagmanehar.
