Aram baya nindo mga ka-bombo, an mga Scientists gikan sa Zhejiang University sa nasyon kan China an kasuarin sana pig-anunsyar na an saindang Black Panther robot an naabot an constant speed na 10 meters per second.
Ini an maikokonsederar na world record para sa quadruped robots.
An nasambitan ng Black Panther an haloy naman na pinag-aadalan sa Zhejiang University partikular sa Hangzhou International Science and Technology Innovation Center puon pa kan 2018.
Alagad, sa laog kan haros anom na taon, nasakitan an mga scientists na malampasan an speed na 6 meters per second.
Sa enot na pigkundusir na experiments, tuyong nalalampasan kan robot an saiyang dating nairehstrong rekas, masapo man ini nin malalang danyos na nagreresulta sa pagkaraot kaini.
Alagad kadakol na mga trials asin pagpurbar an ginibo tanganing arugon an joint asin muscle structures kan manlaen-laen na hayop siringman kan tawo.
Makalihis an pirang beses na pagpurbar, matrayumpong nakagibo an mga researchers nin importanteng modifications siring kan pagdugang nin springs sa pag-ultanan kan leg joints kan robot tanganing masuportaran an impact.
Puon digde, nakriar man an Black Panther kun saen ngunyan na taon an naabot an record speed na 10 meters per second.
