Ginamitan nin laser an duwang barko kan Bureau of Fisheries and Aquatic Resources (BFAR) kan Chinese vessels ngunyan na Disyembre 2 sa West Philippine Sea (WPS).
Ini an nahiling sa nagkapirang videos kun saen nangyari an pag-laser sa mga barko bandang alas-8 nin banggi asin naghaloy nin limang minuto.
Mayo man na nalugadan sa insidente, alagad nagkapirang crew an nasabing nakamati sinda nin pagkulog kan mata huli sa pigtapat na laser lights kan Chinese.
Basado sa report, an BRP Datu Matanam Taradapit asin BRP Datu Tamblot yaon sa Hasa-Hasa Shoal tangani na maghatod nin fuel asin food subsidy sa mga parasisira kan ini pig harass kan China.
Pigsaysay man ni Chester Cabalza, presidente kan Manila-based think tank International Development and Security Cooperation, na an insidente na panibagong panggigipit kan China sa barko kan nasyon, posibleng isipon na klase nin armed attack alagad maski na pigsasabing piggagamit an laser sa navigation.
