Opisyal ng nagretiro sa pagkawat sa NBA si Chris Paul.
Pigsagibo kaini an anunsyo makalihis na pakawaran kan Toronto Raptors kasunod kan three-team trade sa Los Angeles Clippers.
Sa saiyang social media account, pigsaysay kan 12-time NBA All-Star na nagdesisyon na ining magretiro makalihis an 21 taon sa NBA.
Dugang pa kan 40-anyos na si Paul na maski tapos na an kabanata kaini komo NBA player, dae pa man giraray mahahali an basketball sa saiyang buhay.
Sa laog kaya kan tolong dekada, sa basketball nag-iikot an buhay kaini.
Pigkokonsederar na sarong biyaya an saiyang NBA career kun saen igwang marhay asin maraot na nangyari alagad saiyang tinawan nin respeto an kada kawat.
Si Paul o nabisto sa apod na CP3 na shortcut kan saiyang pangaran asin jersey number an nagin 4th overall pick sa 2005 NBA Draft.
Nagkawat ini sa mga koponan kan New Orleans Hornets, Clippers, Houston Rockets, Oklahoma City Thunder, Phoenix Suns, Golden State Warriors asin San Antonio Spurs.
