Aram baya nindo mga ka-bombo, sarong hotel sa England pigbukasan an sarong kakaibang holiday decoration.
Ini an sa paagi kan sarong 25-foot-tall Christmas tree na gibo sa 100,000 balloons.
An nasambitan ng Balloon Christmas Tree, an pig-install sa luwas kan Moor Hall Hotel asin Spa sa Sutton Coldfield, Birmingham na pigbibilog kan nasa 100,000 balloons asin transparent dome tanganing proteheran an Christmas Tree na magputok o kaya ilupad kan duros.
Sigun ki Naomi Spencer, sarong balloon artist asin may-sadiri kan Balloon Color Blending, naisip kaini an ideya komo paagi tanganing makatipon nin kwarta para sa charity.
An kada balloon an pwedeng i-sponsor nin nasa $3.30, mantang nasa $13.19 an pwedeng bakalon komo memorial balloon para sa pagtaong onra sa mga kapamilya na enot naman nagtalikod sa kinaban asin an $165 an para sa branded na balloon.
Sa ngunyan, ikinaogma man kan mga residente sa lugar an nasambitan ng kakaibang holiday decoration na nagpapamate na papaabuton na an kapaskuhan.
