Nagsanib pwersa an Cybercrime Investigation and Coordinating Center asin Global Anti-Scam Alliance (GASA) tanganing labanan an talamak an online scams sa nasyon.
Kasunod ini kan isinagibong pagpirma kan sarong Memorandum of Understanding sa tahaw kan duwang grupo. An GASA, o Global Anti-Scam Alliance, an sarong international nonprofit organization.
Sinda an nakatutok sa pagsugpo sa manlaen-laen na klase kan scam na laganap sa bilog na kinaban.
Piggibo ninda ini sa paagi kan pagpapahewas kan public awareness o kaaraman kan publiko, pagheheras nin impormasyon, asin pagtataguyod kan mas matibay na international cooperation o pagtatarabangan sa tahaw kan mga nasyon.
Sa paagi kan kasunduang pinirmahan, an CICC an magsisirbing advisor sa GASA Philippine Chapter Advisory Board.An papel na ini kan CICC an makakatabang tanganing mas maparekas an ribayan kan impormasyon.
Apwera pa digde, mapaparekas man an pagheheras nin mga research findings asin best practices o mga epektibong paagi sa mga pag-detect asin pagpugol kan mga online scams.
Kaibahan man sa Memorandum of Understanding (MOU) an paglulunsar asin pagsasagibo nin mga joint projects o pinag-iribang proyekto.
