Naghagad na an Criminal Investigation and Detection Group (CIDG) sa International Criminal Plice Organization (Interpol) tanganing mag-syu nin red notice kontra ki dating presidential spokesman Atty. Harry Roque.Pigkumpirmar ini ni CIDG Director Major Gen. Nicholas Torre III.
Nenot ng nagpadara nin tracker teams an CIDG tanganing arestaron an nasa 50 iba pang kapwa akusado ni Roque, kaibahan na si Cassandra Li Ong na pig-iimbestigaran huli sa soboot pagkaka-imbwelto kan mga ini sa iligal na operasyon kan Philippine Offshore Gaming Operator (POGO).
Marurumduman man na inisyuhan kan Angeles City Regional Trial Court Branch 118 nin arrest warrant si Roque kan nakalihis na Mayo 15 huli sa soboot pagbalgar sa Republic Act 9208 o Anti-Trafficking in Persons Act of 2003.
Nag-ugat an kaso kontra kina Roque, Ong asin sa 49 na iba pa sa pigsunad kan Department of Justice kan nakalihis na Abril huli sa soboot pagkaka-imbwelto ninda sa operasyon kan scam hub na Lucky South 99 sa Porac, Pampanga.
