Aram baya nindo mga ka-Bombo, nakapagrehistro nin kakaibang Guinness World Record an sarong circus performer makalihis buhaton an tulong tao gamit sana an saiyang mga ngipon mantang ini an nakabitin nin pabaliktad.
Si Michael Radiff gikan sa U.S. an nagpahiling nin gilas sa hampang kan live audience sa Songshan District, Taipei City, Taiwan kan nakalihis na Mayo.
Sa saiyang pagtatanghal, nagibo kaining buhaton an kabilogang 185.80 kilo asin nakua an titulong “heaviest weight held with the teeth while suspended upside down.
Sa mga ladawan, mahihiling si Radiff na nakasabit nin pabaliktad mantang kagat an mouthguard na nakakabit sa strap asin metal bar. Mantang padikit-dikit kaining itinataas, tulo sa saiyang mga kaiba an sabay-sabay kaining binuhat.
Makalihis an piraang segundo, binutasan ni Radiff an metal bar, kaya man an bilog na gabat kan tulong tao an nakaasa sana sa kusog kan saiyang panga asin mga ngipon.
Komo sarong strength performance specialist, nag agi si Radiff sa matinding pagsasanay para sa rekord na ini.
Pinatatag kaini an saiyang panga asin liog asin nagsagibo nin mga inverted core exercises. Sigun sa pamantayan kan Guinness World Records, dapat maiangat an gabat nin dae mababa sa 15 sentimetro gikan sa daga asin mamantinir kaini an dae mababa sa 10 segundo.
Sa saiyang pagtatanghal, nalampasan ni Radiff an dating record na 130 kilo na pigtalaan ni Loretta Antal kan Hungary kan nakalihis na Enero 27, 2024.
