NAGA CITY- Kaplanuhan ngunyan kan City Disaster Risk Reduction Management Council na i-review an kabilugang drainage master plan kan Lokal na gobierno kan siyudad nin Naga tanganing mahiling an iba pang mga posibleng solusyon sa pagbabaha.
Ini an pigpahagayag sa pigkundusir na drainage interconnectivity meeting na pinangenotan kan nasambitan ng opisina kaibahan an iba pang mga concern department heads.
Sigun sa opisina sa sistema ngunyan kan drainage interconnectivity, garo soboot nagseserbe ining dalan kan dakulang volume kan tubig na igwang sarong direksyon gikan sa upper barangay pababa kaya mas nagin marekas an paglangkaw nin tubig sa bilog na siyudad siring kan nangyari kan nakalihis na Bagyong Kristine.
Katakod kaini, nagpresenta naman nin bagong design sa drainage an City Engineering Office dapit digde apwera pa sa plano na pagkriar nin technical working group na ibabali an private sector na igwang kinaaraman sa isyung ini.
Pigtawan duon pa kan CDRRMC na kaipuhan an pagpapakarhay sa drainage system kan siyudad orog na ta padagos na nakakaeskperyensiya nin pag-uuran sa Naga City sa mga nakalihis na aldaw.
