NAGA CITY – Pigpreparar na kan City Disaster Risk Reduction Management an mga evacuation area sa siyudad nin Naga.
Puon miyerkules naka- blue alert na an siyudad nin Naga na boot sabihon full prepartion na gabos na assets kan siyudad siring kan water assets na kaipuhan ipreparar sa kada Barangay.
Sa entrevista kan Bombo Radyo Naga ki Raynor Rodriguez Head City risk Reduction and Management Office LGU Naga sinaysay kaini na igwa ng preparadong 5 motorice asin lampas 10 non motorice an siyudad na kun sane importante soboot na magagamit kan mga rescuers enkaso magtama an papaabuton na bagyo.
An pagpreparar nagpuon sa koordinasyon sa Bicol Disaster o Barangay Disaster Risk Management council na haros 3 aldaw na preparasyon asin nagtao nin giya kun ano an mga approach orog na sa mga drainage system na kaipuhan imantinir an kalinigan.
An siyudad nin Naga igwang 5 preparadong evacuation center sa mga manlaen-laen na Barangay asin pigsiertong malinig asin an mga kagamitan salbado gamiton siring kan cr, tubig asin generator.
Apwera digde nagtangro man nin tempory evacuation center an Mariners Naga kan saindang pasilidad sa 2nd asin 3rd floor magin man an mga Catholic Churches.
Pag-abot man sa mga relief goods activated naman ini asin may mga nakapreposition nang mga box gikan sa DSWD para sa quick response kan pagkakan kan mga tawo.
Sa ngunyan nangangapudan si Rodriguez na amay pa sana ipreparar asin isaray na an mga importanteng kagamitan tanganing malikayan an pagkaraot orog na kun importante.
Magin man an pag-evacuate amayan na huli ta obheto kan siyudad an zero casualties kun kaya mag-ibakwar na nin mas amay pa tanganing siertong salbado.
