NAGA CITY – Nagpagirumdom an City Veterinary Office kan siyudad nin Naga sa mga nag-aataman nin hayop na importanteng igwang istaran an saindang mga ataman ngunyan na tag-uran.
Sa entrevista kan Bombo Radyo Naga ki Dr. Marilee P. Lingua, pamayo kan City Veterinary Office kan siyudad nin Naga, nin huli ta igwa soboot sindang naglilibot na livestock inspector, dai sinda nawawaran nin pagkakataon na magpagirumdom sa mga para-ataman kun papano ninda tatawanan nin tamang pag-manehar an saindang mga ataman asin ireport sainda kun may kakaibang nanonotaran.
Ini an tangani man na tolos ninda ining matawan nin magkakanigong aksyon asin dae na maglala pa an sitwasyon.
Manunungod sa bitamina igwa soboot sinda sa presente nin para sa mga baka, damulag, asin mga kambing.
Dai man soboot sinda naghaharong-harong para sa anti-rabies nin huli ta dai kakayanon, asin nagsisiring sana kun igwa nin sarong request.
Sigun ki Lingua, aram na man kan mga paraoma pag kaipuhan nin bitamina kan saindang mga ataman, kun saen naghahapot ini sa saindang opisina na sigun igdi saiya man na pigpapasiringan.
Sa presente pinaka-common soboot sa mga kambing asin man haros sa gabos nin hayop an respiratory problems. Dugang pa kaini ini an magigin pinaka-common na problema ngunyan nin tag-uran. Sigun pa ki Lingua kaipuhan man nin tawan importansya an pag-manehar asin pagtao nin istaran sa mga ataman.
