NAGA CITY-Nagkundusir an City Veterinary Office nin pagbakuna sa mga Ido sa Barangay Bagumbayan Sur makalihis na igwang maireport na igwang nakagat na residente.
Sa entrevista kan Bombo Radyo Naga ki Josephine Camba, Barangay Kapitan kan Bagumbayan Sur, Naga City, sinaysay kaini na makalihis na magreport an saro sa saindang residente na ini an nakagat kan stray dogs, tolos soboot sindang nagreport sa City Veterinary Office para sa magkakanigong aksyon.
Katakod digde, tolos man na nagpa-inject an residente asin nagkundusir nin pagbakuna an mga personahe kan City Veterinary Office sa mga Ido na harani sa pinagyarihan kan insidente.
Sigun ki Camba, mayo man nag-claim kan Ido kaya pigkonsederar soboot ninda ining stray dogs na kalaunan an nagpositibo man sa rabies na yaon sa nasa irarom kan monitoring kan nasambitan ng opisina.
Katakod kan pangyayari, padagos an pangapudan kan opisyal na magin responsableng pet owners tanganing dae mapabayaan an mga ataman.
Siringman, magin regular an pagpapabakuna sa mga ataman nin anti-rabies tanganing makalikay sa dakulang kompromiso.
