NAGA CITY – Nagin makulor an Civic Parade and Float Competition na pigkundusir sa Plaza Quezon ngunian na aga.
Alas 7:00 nin aga kan pinunan an nasambitan ng parada na papartisiparan kan manlaen-laen na eskwelahan gikan sa laog asin luwas kan siyudad nin Naga.
Alas 12:00 naman nin udto, ikukundusir an taunang Voyadores Festival Street and Pilgrims Dance Competition sa parehong lugar.
Katakod kaini, kadakol na mga namamanwaan an liwat na nagruso sa syudad para magdalan sa nasambitan ng aktibidad.
Katakod kaini maghapon man na nakasara an mga tinampong aagihan kan parada arug kan Panganiban Drive cor Mayon Ave, Isarog St. cor Panganiban Drive, Misericordia St. cor M. Castro Avenue, Blumentritt St. cor M. Castro,P. Diaz St. cor Penafrancia Avenue, E. Angeles St. cor P. Diaz St.,Barlin St. cor P. Diaz St.,P. Burgos cor J. Hernandez Ave.,Abella St. cor J. Hernandez Ave.,Prieto St. cor J. Hernandez Ave., Gen. Luna St. cor Zamora St.,Balintawak St. cor Biak-na-Bato St., PNP Road cor Balintawak,NFA cor Balintawak,CBD II cor Ninoy and Cory Ave.,St. Joseph School cor ,Bicol Access Hospital asin Plaza Medica cor Ilang-Ilang St.
Mientrastanto, nagsirbi man na mga parking areas para sa mga bihikulo an LCC Naga-Sabang, SM City Naga, St. Joseph School, City Hall Compound, Naga City Civic Center, Penafrancia Basilica Church, St. Jude St.-San Felipe, Ateneo Avenue asin Jacob Street.
Sa ibong na lado, mahigot man an ipinautob na seguridad kan otoridad sa palibot kan syudad.
